තනි භාවිත ඉලෙක්ට්‍රොනික දුම්වැටි ආනයනය තහනම් කළ ද නීති විරෝධී ව්‍යාපාර යටතේ ආනයනය සිදු වන බවට තොරතුරු වාර්තා වී තිබෙනවා.
පසුගිය වසර තුල ඔස්ට්‍රේලියාවේ අලුතින් ඉලෙක්ට්‍රොනික දුම්වැටි භාවිතයට ඇබ්බැහි වු පුද්ගලයින් සංඛ්‍යාව සියයට 30කින් ඉහළ ගොස් ඇති අතර පසුගිය දෙසැම්බර් මස සිට මේ දක්වා පුද්ගලයින් ලක්ෂ 4කට වැඩි පිරිසක් e-දුම්වැටි භාවිත කර ඇති බව සඳහන්.
ආනයන තහනම පැණවිමත් සමග ඒ සඳහා ඇබ්බැහි වුවන් නීති විරෝධි ව්‍යාපාර ඔස්සේ වැඩි මිල ගණන්වලට ඉලෙක්ට්‍රොනික දුම්වැටි මිලදී ගන්නා බවයි වාර්තා වන්නේ.
පසුගිය වසර වන විට ඔස්ට්‍රේලියාව පුරා ලක්ෂ 17කට වැඩි පිරිසක් ඉලෙක්ට්‍රොනික දුම්වැටි භාවිත කර තිබෙනවා.
ඒ අතුරින් නිව් සවුත් වේල්ස් ප්‍රාන්තය සියයට 470කින් e-දුම්වැටි භාවිතය ඉහළ ගොස් ඇති අතර වික්ටෝරියා ප්‍රාන්තය සියයට 355 කින් සහ බටහිර ඔස්ට්‍රේලියාව සියයට 329 කින් ඉහළ ගොස් තිබුණා.
පසුගිය මාස 12 තුළ වික්ටෝරියා ප්‍රාන්තයේ වයස අවුරුදු හතරට අඩු ළමුන් e-දුම්වැටි භාවිත කර ඇති බවට ඇමතුම් 50ක් ලැබී ඇති බව සදහන්.
මෙලෙස නීති විරෝධි e- දුම්වැටි භාවිතයෙන් පෙණහලු විනාශ කරන රසායනික ද්‍රව්‍ය 200ක් පමණ ශරීර ගතවන බවයි වාර්තා වන්නේ.
