රහසිගතව තම සිසුන්ගේ ඡායාරූප ලබා ගෙන අසභ්‍ය ඡායාරූප ලෙස විකෘති කර, පුද්ගලයින් අතර බෙදා හැරි පාසැල් ගුරුවරයෙකු අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ ක්වින්ස්ලන් ප්‍රාන්තයේ ගුරුවරයෙක් වන අතර විමර්ශන යලදී හෙළිව ඇත්තේ වසර 4ක කාලයක් සිට මොහු මෙම ක්‍රියාවේ නිරත වී ඇති බවයි.
43 හැවිරිදි සැකකාර ගුරුවරයා බ්‍රිස්බේන් හි දිසා අධිකරණය වෙත යොමු කිරීමෙන් අනතුරුව සිරභාරයට ගෙන ඇති බවයි වාර්තා වන්නේ.
16 හැවිරිදි පාසැල් සිසුවෙකුට ලිංගික ඉරියව් ආකාරයෙන් පෙනී සිටින ලෙස බලකිරීමේ සිද්ධියත් සමග මොහු අත්අඩංගුවට ගෙන තිබුණා.
සැකකරු මෙලෙස විකෘති කල ඡායාරූප 107ක් පුද්ගලයින් 49 දෙනෙකුට යවා ඇති බවයි වාර්තා වන්නේ.
රහසිගතව ළමා ඡායාරූප ලබා ගැනීම ඒවා විකෘති කරමින් බෙදාගැරීම, ළමා ලිංගික හිංසනය යන චෝදනා යටතේ ඔහු වරදකරු වී තිබෙනවා.
සැකකාර ගුරුවරයා අතඩංගුවට ගන්නා අවස්ථාවේදී ක්වින්ස්ලන්ඩ් හී වයඹ දෙසින් පිහිටි පාසලක ක්‍රීඩා ප්‍රධානියා ලෙස සේවය කර ඇති බව සදහන්.
