ඩොලර් 38000ක මුදලක් වැයකරමින් තම මියගිය සුරතලාට සමාන සත්වයෙක් ජාන තාක්ෂණයෙන් නිර්මාණය කිරීමට ඇමරිකානු කාන්තාවක් මුදල් වැය කර තිබෙනවා
ටෙක්සාස් හි පදිංචි කෙලී ඇන්ඩර්සන් වන ඇය තම මිය ගිය බළලාට සමාන බළලෙකු නිර්මාණය කිරීමේ අරමුණින් මෙලෙස මුදල් වැය කර ඇති බවයි වාර්තා වන්නේ.
කෙසේ වෙතත් මේ වන විට ඇගේ සුරතල් බළල් පැටවා මියගොස් වසර 4ක් ගතවුවද එම අවධියේ සිට ක්ලෝනකරන කටයුතු ආරම්භ කර ඇති බවයි වාර්තා වන්නේ.
බෙලි ලෙස නම් කර ඇති මෙම ක්ලෝනකරණය හෙවත් ජානතාක්ෂණයෙන් නිර්මාණය කල බළල් පැටවා ඉතා සෞඛ්‍යසම්පන්නව සිටින බව සදහන්.
කෙලී ඇන්ඩර්සන් වැඩිදුරටත් සදහන් කළේ ක්ලෝනකරණයෙන් නිර්මාණය කළ බළල් පැටවා තම මියගිය සුරතලාට සමාන ලක්ෂණ පෙන්නුම් කරන බවයි.
ජාන තාක්ෂණයෙන් සතුන් නිර්මාණය කිරීම 1996 වසරේ සිට ආරම්භ කර ඇති අතර ඩොලී නම් බැටලු පැටවා ලොව ප්‍රතම ජානතාක්ෂණයෙන් නිර්මාණය කළ සත්වයා වනවා.
