ශ්‍රී ලංකාවේ අඩුම කාලයක් ඉර පායන ගම ලෙස කොහොනාවල ගම්මානය හැදින්වෙනවා.
එහි ගැමියන් හිරු එළිය දකින්නේ දිනකට පැය හයක් බවයි වාර්තා වන්නේ.
ලුණුගල ප්‍රාදේශීය ලේකම් කොට්ඨාසයට අයත් වන මඩොල්සිම ග්‍රාම නිලධාරී වසමේ වූ අතිදුෂ්කර ගම්මානය ලෙස කොහොනාවෙල හැදින්වෙනවා.
ජනප්‍රවාදයේ සදහන් වන පරිදි 1815දී ඌව වෙල්ලස්ස කැරැල්ලේදී සැඟව සිටීමට ආ කිහිප දෙනකුගෙන් කොහොනාවෙල ගමේ ආරම්භය සිදු වී ඇති බවට සඳහන්ව තිබෙනවා..
අද වන විට ගම්මානයේ පවුල් පනස්පහක් පමණ ගොවිතැනින් ජීවත් වෙනවා.
යහන්ගල, ගල්උල්ල, හයින්දම්මාගල සහ වියන්ගල යන කඳු පන්ති අතර බෑවුමක මේ ගම්මානය පිහිටා තිබෙනවා.
මේ ගමට ඉර පායන්න වෙලාව උදේ 9ට ආසන්න වන අතර කොහොනාවෙල ගමට එක් පාසලක් ඇති බව සදහන්.
කෙසේ වුවද මෙහි ගමේ දරුවන් බොහෝ දෙනෙක් ප්‍රාථමික අධ්‍යාපනයෙන් පසු අධ්‍යාපනයට සමු දෙනු ඇති.
ගමනාගමන දුශ්කරතා හා ආර්ථික අපහසුතා හේතුවෙන් ගම්මාන වැසියන් දැඩි දුශ්කරතාවයකට පත්ව ඇති අතර නගරයට හෝ රෝහලය යෑම සදහා වැඩි දුරක් පයින් යෑමය සිදුවන බව සදහන්.
