වීඩියෝ හා ජංගම දුරකථන ආශ්‍රිත ක්‍රීඩාවලට ඇබ්බැහි වූවන්ට මානසික ගැටලු ඇතිවන බව ඔස්ට්‍රේලියා සහ නවසීලන්ත මනෝ විශේෂඥයන් පෙන්වා දෙනවා.
මානසික සෞඛ්‍ය සම්බන්ධයෙන් විශේෂ සාකච්ඡා මාලාවක් බටහිර ඔස්ට්‍රේලියාවේදී පසුගිය සතියේ පැවැති බවයි සඳහන් වෙන්නේ.
ඊට ඔස්ට්‍රේලියා සහ නවසීලන්ත මනෝ විශේෂඥයන් සහභාගි වී තිබෙනවා.
ඔවුන් අවධාරණය කර ඇත්තේ වීඩියෝ ක්‍රීඩා වලට යොමු වුවන්ට ඒවායෙහි අත්දැකීම් පසුව මනෝමය වශයෙන් ලැබෙන බවයි.
එය මායාමය තත්ත්වයක් ලෙස හැඳින්විය හැකි බවයි විශේෂඥයන් පෙන්වා දෙන්නේ.
ඔස්ට්‍රේලියාවේ තරුණ ප්‍රජාවගෙන් සියයට දහයක් පමණ මෙම තත්ත්වයට පත්ව ඇති බවටයි විශ්වාස කෙරෙන්නේ.
රෝගය හඳුනා ගැනීමේ සහ ඊට ප්‍රතිකාර කිරීමේ වැඩසටහන් ආරම්භ කළ යුතු බවටත් විශේෂඥයන් නිර්දේශ කර ඇති බව සඳහන්.
