ලබන වසර වෙනුවෙන් නව සැලසුම් රැසක් – අග්‍රාමාත්‍ය ඇන්තනි ඇල්බනීස්

ලබන වසර වෙනුවෙන් නව සැලසුම් රැසක් ක්‍රියාවට නංවන බවයි ඔස්ට්‍රේලියා අග්‍රාමාත්‍ය ඇන්තනි ඇල්බනීස් ප්‍රකාශ කරන්නේ. එහිදී ප්‍රධාන කරුණු හතරක් කෙරෙහි රජය අවධානය යොමු කරන බවද ඔහු පෙන්වා දී තිබෙනවා. ඔස්ට්‍රේලියාවේ නිවාස ඉදිකිරීම ව්‍යාප්ත කිරීමට රජය සැලසුම් කර ඇති බවයි ඔහු පෙන්වා දෙන්නේ.

ලෝකයේ ආර්ථිකය බිඳවැටී ඇති පසුබිමක ඔස්ට්‍රේලියාවේ උද්ධමනය ද වැඩි වී තිබෙන අතර එය ඔස්ට්‍රේලියා ජනතාවට අහිතකර ලෙස බලපා තිබෙනවා. ඒ හේතුවෙන් ජීවන වියදම අඩු කිරීම සඳහා නව සැලසුම් රැසක් ක්‍රියාවට නැංවීමටයි රජය අපේක්ෂා කරන්නේ. ඔහු පෙන්වා දුන්නේ දැනටමත් ජීවන වියදම අඩු කිරීම සඳහා ක්‍රියාමාර්ග රැසක් රජය ගෙන ඇති බවයි.

නිවාස සහ කුඩා ව්‍යාපාරවල විදුලි බිල අඩු කිරීමට පියවර ගත් බව සහ එය නිවාස හා ව්‍යාපාර මිලියන පහකට පමන බලපෑ බවයි අග්‍රාමාත්‍යවරයා සඳහන් කරන්නේ. මීට පෙර රජයන් වලට සාපේක්ෂව රැකියා අවස්ථා රැසක් රජය යටතේ නිර්මාණය කරන ලද බව ද අවධාරණය කෙරෙනවා.

සෞඛ්‍ය පහසුකම් වර්ධනය කිරීමද ලබන වසරේ ප්‍රමුඛ කාර්යයක් වන අතර ඔස්ට්‍රේලියාව මූලික කරගත් නිෂ්පාදන ක්‍රියාවලිය වැඩි කිරීමටත් අවධානය යොමුවන බව සඳහන්. කාලගුණ විපර්යාස කෙරෙහිද  රජය අවධානය යොමු කරන අතර ඉදිරියේදී ඇතිවන අභියෝගවලට සුදුසුතම ක්‍රියාමාර්ග ගන්නා බවත් අග්‍රාමාත්‍යවරයා පෙන්වා දී තිබෙනවා.

සමාජ මාධ්‍ය ඔස්සේ ඉදිරිපත් කරන ලද විනාඩි කිහිපයක ප්‍රකාශය අවසානයේ ඔස්ට්‍රේලියා ජනතාවට ප්‍රීතිමත් නත්තලක් සහ සුබ නව වසරක් ද අග්‍රාමාත්‍යවරයා ප්‍රාර්ථනා කර තිබෙනවා.

උද්ධික ප්‍රේමරත්න මන්ත්‍රී ධුරයෙන් ඉල්ලා අස්වෙයි

ශ්‍රී ලංකා පොදුජන පෙරමුණේ අනුරාධපුර දිස්ත්‍රික් පාර්ලිමේන්තු මන්ත්‍රී උද්ධික ප්‍රේමරත්න සිය මන්ත්‍රී ධුරයෙන් ඉල්ලා අස්වීමට තීරණ කර තිබෙනවා.

Read More »

සාර්ථක සංගීත සංචාරය අවසානයේ පියා නිසා ටේලර් ස්විෆ්ගේ නමට කැළලක්

ඕස්ට්‍රේලියාවේ සංගීත සංචාරයකට එක්ව සිටි ජනප්‍රිය ගායිකා ටේලර් ස්විෆ්ට්ගේ පියා සිඩ්නි වරාය තොටුපලේදී කැමරාකරුවෙකුට පහර දුන් බවට කියන චෝදනා මත පොලිසිය විමර්ශණ ආරම්භ කර තිබෙනවා.

Read More »

ඔස්ට්‍රේලියාව සමග තරගය අහිමි වීම නිසා නවසීලන්ත ප්‍රබලයෙක් ටෙස්ට් තරග බිමට සමුදෙයි

වහාම ක්‍රියාත්මක වන පරිදි ජාත්‍යන්තර ක්‍රිකට් ක්‍රීඩාවෙන් විශ්‍රාම ගන්නා බව නවසීලන්ත පන්දු යවන ක්‍රීඩක නීල් වැග්නර් නිවේදනය කර තිබෙනවා.

Read More »