ස්වදේශික හඩ ජනමත විචාරණයට අදාළව මැතිවරණ රාජකාරිවල නිරතවු අනියම් සේවකයින් හට මෙතෙක් අදාළ ගෙවීම් සිදුකර නොමැති බවට චෝදනා එල්ල වනවා.
මැතිවරණය පවත්වා ප්‍රතිඵල ප්‍රකාශයට පත් කර සති දෙකකට වැඩි කාලයක් ගතවුවද මෙතෙක් කිසිදු ගෙවීමක් සිදුකර නොමැති බවයි අනියම් සේවකයින් පවසන්නේ.
අනියම් සේවකයින් අතරට විශ්‍රාමිකයින්, දෙවන භාෂාව ලෙස ඉංග්‍රීසි දැනුම ඇති පුද්ගලයින් හා සුලූ ආබාධ සහිත ළමුන්ගේ දෙමව්පියන්ද ඇතුලත් වනවා.
මැතිවරණ කොමිෂන් සභා වාර්තා පෙන්වා දෙන්නේ ජනමත විචාරණයට සමගාමීව රට පුරා තාවකාලික සේවකයින් ලක්ෂයකට වැඩි පිරිසක් සේවයේ යොදවා තිබූ බවයි.
මේ අතර මැතිවරණ ගිවිසුම් ප්‍රකාරව අනියම් සේවකයින්ට සෑම පැය තුනකට වරක් වැටුප් සහිත විනාඩි 10 ක විවේකයක් සදහා හිමිකම් පැවතිය ද අදාළ ඡන්ද මධ්‍යස්ථාන නිලධාරීන් තමන්ට හිමි විවේකය පවා තහනම් කර තිබූ බවයි අනියම් සේවකයින් අනාවරණය කරන්නේ.
සේවක වෘත්තීය සමිති චෝදනා නගන්නේ මැතිවරණ කොමිෂන් සභාව අනියම් සේවකයින්ගෙන් ප්‍රමාණය ඉක්මවා සේවය ගෙන ඇතත් ගෙවීම් සිදුකිරීමට මෙතෙක් අපොහොසත් වී ඇති බවයි.
