වික්ටෝරියා ප්රාන්තයේ ඉවතලන ප්රතිචක්රීකරණ ද්රව්ය වෙනුවෙන් මුදල් ගෙවීම අද සිට ආරම්භ වනවා.
ඒ අනුව තමන් සතු විවිධ කෑන් – බෝතල් සහ විවිධ ඇසුරුම් භාරදී එක් අසුරණයකට ඩොලර් ශත 10 ක් බැගින් මුදල් ලබාගැනීමට හැකියාව පවතිනවා.
දැනට මෙවැනි ස්ථාන 200 ක් වික්ටෝරියාව පුරා ඇති අතර ලබන වසරේ අගෝස්තු මාසය වනවිට අදාළ ස්ථාන සංඛ්යාව 600 දක්වා ඉහළ නැංවීම ප්රධාන ඉලක්කයක් බව සඳහන්.
වීදුරු – කාඩ්බෝඩ් – ප්ලාස්ටික් හෝ ඇලූමිනියම් වලින් නිෂ්පාදිත අසුරණ මේ යටතේ භාරදිය හැකියි.
කෙසේවෙතත් කිරි – රස කල කිරි – කෝඩියල් – සිරප් – මත්පැන් වැනි දියර අසුරණ භාර ගැනීමක් සිදුවන්නේ නැහැ.
වසර 03 කට ආසන්න කාලයක් පුරා අත්හදා බැලීමෙන් අනතුරුවයි වික්ටෝරියා ප්රාන්ත රජය විසින් මෙය ක්රියාත්මක කරනු ලබන්නේ.
කෙසේවෙතත් ප්රාන්තවාසීන් රැසක් අවධාරණය කරන්නේ ලබාදෙන මුදල ඉහළ නැංවීමට පියවර ගත යුතු බවයි.
මේ අනුව අද සිට මෙවැනි ප්රතිචක්රීකරණ වැඩපිළිවෙලක් ක්රියාත්මක නොකරන එකම ප්රාන්තය බවට ටස්මේනියාව පත්වනවා.