ගාසා තීරයේ ගැටුම් වහා නවතා දමා සිවිල් වැසියන් ආරක්ෂා කරන ලෙස එක්සත් ජාතීන්ගේ සංවිධානයේ මහා මණ්ඩලය වෙත ගෙන ආ යෝජනාව සම්මත වී තිබෙනවා.
එහි විශේෂ සැසියක් අතරතුරදී මැදපෙරදිග කලාපයට ඉක්මන් සහ තිරසාර මානූෂීය සටන් විරාමයක් ඉල්ලමිනුයි ජෝර්දානය ප්‍රමුඛ රටවල් කිහිපයක් විසින් මෙම යෝජනාව ඉදිරිපත් කර තිබුණේ.
එහිදී යෝජනාවට පක්ෂව ඡන්ද 120 ක් ලැබී තිබූ අතර විපක්ෂව ඡන්ද 14 ක් සහ රටවල් 45 ක් ඡන්දය භාවිත කිරීමෙන් වැළකී සිට තිබුණා.
මෙහිදී ශ්‍රී ලංකාව ද යෝජනාවට පක්ෂව ඡන්දය ලබා දෙනු ලැබුවා.
කෙසේවෙතත් ඔස්ටේ්‍රලියාව – ඉන්දියාව – මහා බ්‍රිතාන්‍යය ඇතුලු රටවල් 45 ක් නිහඩ පිළිවෙතකුයි අනුගමනය කරනු ලැබුවේ.
