ආබාධයකට ලක්වීම හේතුවෙන් ශ්‍රී ලංකා ක්‍රිකට් නායක දසුන් ශානක එක්දින ලෝක කුසලානයේ ඉතිරි සියලු තරගවලින් ඉවත් කර තිබෙනවා.
ඒ අනුව හෙට පැවැත්වෙන ඔස්ට්‍රේලියාවට එරෙහි තරගයේ සිට ශ්‍රී ලංකා කණ්ඩායම මෙහෙයවීමේ වගකීම උපනායක කුසල් මෙන්ඩිස්ට හිමිවනු ඇති.
දසුන් ශානකට සති තුනක් පමණ ක්‍රීඩා කිරීමට නොහැකි වන බවටයි වාර්තා වන්නේ.
එසේම වේගපන්දු යවන ක්‍රීඩක මතීෂ පතිරණ ටද හෙට ඔස්ට්‍රේලියාව සමග තරගය අහිමි වී ඇත්තේ ඔහුද ආබාධයකට ගොදුරුවී සිටීම හේතුවෙනුයි.
මේ අතර අතිරේක ක්‍රීඩකයෙකු ලෙස සංචිතයේ රැඳී සිටින චාමික කරුණාරත්න, දසුන් ශානක වෙනුවට කණ්ඩායමට එක්වනු ඇති.
එමෙන්ම ශ්‍රී ලංකා සංචිතය සමÛ එක්වීමට ප්‍රමෝද් මදුෂාන් ඉන්දියාව බලා පිටත්ව යෑමට නියමිතව තිබෙනවා.
නායක දසුන් ශානක ඉදිරි දින කිහිපයේදී නැවත ශ්‍රී ලංකාවට පැමිණීමට නියමිත බවයි ක්‍රිකට් වාර්තාවල දැක්වෙන්නේ.
