වසර 17කට පසුව ශ්‍රී ලංකාවට ආසියානු ක්‍රීඩා උළෙලක මලල ක්‍රීඩා පදක්කමක් අද (03) හිමි විය.
ඒ, 19 වැනි ආසියානු ක්‍රීඩා උළෙලේ හෙල්ල විසි කිරීම කාන්තා ඉසව්වට සහභාගී වූ ශ්‍රී ලංකාවේ නදීශා දිල්හානි ලේකම්ගේ එම ඉසව්වේ රිදී පදක්කම දිනා ගැනීමත් සමගයි.
මෙවර ආසියානු ක්‍රීඩා උලෙලේ හෙල්ල විසි කිරීම කාන්තා ඉසව්වේ අවසන් තරගය චීනයේ හංග්ජොව්හිදී අද පැවැත්විය.
නදීෂා දිල්හානි ලේකම්ගේ මෙම තරගයේදී මීටර මීටර 61යි දශම 5යි 7ක දක්ෂතාවක් ප්‍රදර්ශනය කළා ය.
ඇය එම ඉසව්වට ප්‍රදර්ශනය කළ ඉහළම දක්ෂතාවය එයයි.
ඒ අනුව 2006 වසරේදී සුසන්තිකා ජයසිංහගෙන් අනතුරුව ආසියානු ක්‍රීඩා උළෙලේදී මලල ක්‍රීඩා අංශයෙන් ශ්‍රී ලංකාව දිනූ පළමු පදක්කම මෙය වේ.
අද පැවැති හෙල්ල විසි කිරීම කාන්තා රන් පදක්කම ඉන්දියාව දිනා ගත් අතර, ලෝකඩ පදක්කම හිමි වූයේ චීනයටයි.
