Student Visa ඇවිත් රැකියාවල පමණක් නිරතවන්නන්ට එරෙහි දැඩි නීති මේ සතියේදී

ශිෂ්‍ය වීසා මත පැමිණ අධ්‍යාපන කටයුතුවල නිරත නොවී රැකියාවල පමණක් නිරත වන පුද්ගලයන්ට එරෙහි නීති දැඩි කිරීමට ෆෙඩරල් රජය සූදාම් වනවා.

අධ්‍යාපන අමාත්‍ය ජේසන් ක්ලෙයාර් සඳහන් කලේ මෙම සතිය තුළදී ඊට අදාළ සියලු තොරතුරු ප්‍රකාශයට පත් කරන බවයි.

ඔස්ට්‍රේලියා ශිෂ්‍ය වීසා ක්‍රමවේදයේ පවතින ඇතැම් හිඩැස් හමුවේ එම වීසා බලපත් අයථා ලෙස භාවිත කර රැකියා සඳහා පුද්ගලයන් ගෙන්වන ජාවාරම් පිළිබඳ තොරතුරු ආරක්ෂක අංශ විසින් මේ වනවිට හෙළිකරගෙන තිබෙනවා.

මේ හරහා මිනිස් ජාවාරම් වැනි දෑ සඳහා අනුබල දෙන රටක් බවට ඔස්ට්‍රේලියාව පත්වීම වළක්වා ගැනීමට කඩිනම් පියවර ගත යුතු බවයි අධ්‍යාපන අමාත්‍ය ජේසන් ක්ලෙයාර් අවධාරණය කරන්නේ.

ලියාපදිංචි පාඨමාලාව වෙනස් කල නොහැකි අයුරින් පණවා ඇති නව රෙගුලාසියද නව සංශෝධනවල මූලික පියවරක් ලෙසයි සැළකෙන්නේ.

සැබෑ ලෙසම උසස් අධ්‍යාපනයට පැමිණෙන පිරිස් වෙනුවෙන් වැඩි අවස්ථා සැළසීමට ඉදිරියේදී තවත් දැඩි රෙගුලාසි පණවන බවටයි ෆෙඩරල් රජය සහතික වන්නේ.

මෙල්බන් කාන්තාවන්ගේ ආත්මාරක්ෂාවට ෆෙඩරල් රජයෙන් ඉල්ලීමක්

වික්ටෝරියා ප්‍රාන්තයේ කාන්තාවන්ට ආරක්ෂාව සඳහා ගම්මිරිස් ඉසින රැගෙන යාමට අවසර ලබා දෙන ලෙස ඉල්ලා ෆෙඩරල් රජයට ලැබෙන ඇමතුම් වැඩි වී තිබෙනවා.

Read More »

යුද විරුවන් සමරන ANZAC දිනය වෙනුවෙන් සැමරුම් වැඩසටහන් රැසක්

දෙවන ලෝක යුද සමයේදී සහ අනෙකුත් යුද ගැටුම්වලදී මියගිය ඔස්ට්‍රේලියා සහ නවසීලන්ත රණවිරුවන් සමරන ඇන්සක් (ANZAC) දිනය අදට යෙදී තිබෙනවා.

Read More »

වික්ටෝරියා ප්‍රාන්තයේ Skilled Visa Migration Nomination වැඩසටහන අවසන්

වික්ටෝරියා ප්‍රාන්තයේ 2023-2024 මූල්‍ය වර්ෂය සඳහා නිපුණතා සංක්‍රමණ වීසා වැඩසටහනට (Skilled Visa Migration Nomination Program) ලියාපදිංචි වීමට ලබාදුන් කාල සීමාව අවසන් වී තිබෙනවා.

Read More »