පවතින ආර්ථික වාතාවරණය යටතේ අපහසුතාවයට පත්ව සිටින ගණුදෙනුකරුවන් සඳහා ලබාදෙන සහය ඉහළ නැංවීමට මෙරට ප්‍රධාන බැංකු 04 න් එකක් වන වෙස්ට්පැක් බැංකුව තීරණය කර තිබෙනවා.
පසුගිය වසර තුළදී තමන් විසින් වියදම් කපා හැරි බවට සමීක්ෂණයකට සහභාගී වූ ඔස්ටේ්‍රලියානුවන් අතුරින් 9/10 ක්ම පවසා තිබීමත් සමගයි ඔවුන් මෙම පියවර ගෙන ඇත්තේ.
ඉදිරියේදී සිය ආර්ථික තත්වය අයහපත් වනු ඇති බවට සියයට 49 ක් මෙහිදී මත පළ කර තිබුණා.
ඒ අනුව අනවශ්‍ය වියදම් පාලනයට සහ ඉතුරුම් වැඩි කර ගත හැකි ක්‍රමවේද පිළිබඳ ගණුදෙනුකරුවන් දැනුවත් කිරීම ඉහළ නැංවීමටයි වෙස්ට්පැක් බැංකුව විසින් සැළසුම් කර ඇත්තේ.
පළමු අධියර යටතේ ඔන්ලයින් ක්‍රමවේද 02 ක් ඉදිරියේදී හඳුන්වාදීමට නියමිතයි.
එහිදී වැඩි අවධානයක් යොමු කෙරෙන්නේ බිල්පත් වැනි ගෙවීම් නියමිත දිනවලදී සම්පූර්ණ කිරීමට සහ අනවශ්‍ය වියදම් කප්පාදු කිරීම සඳහායි.
