සිඩ්නි නගරයට බලපා ඇති දැඩි උණුසුම් කාළගුණය හමුවේ පාසල් 21 ක් අද දිනයේදී වසා දමා තිබෙනවා.
අවධානම් ස්ථාන රැසකට ලැව් ගිනි අනතුරු ඇගවීම් නිකුත් කිරීමටයි ප්‍රාන්ත ආපදා අංශ කටයුතු කර ඇත්තේ.
අද දිනයේදී සිඩ්නි නුවර උපරිම උෂ්ණත්වය ලෙස සෙල්සියස් අංශක 34 ක් සටහන් වනු ඇති බව සඳහන්.
වසර 164 ක ඉතිහාසයේදී සැප්තැම්බර් මාසයේ දිනයක සිඩ්නි නගරයේ උෂ්ණත්වය අංශක 34 ඉක්මවා ගොස් ඇත්තේ අවස්ථා 03 කදී පමණයි.
එයින්ද ආසන්නම අවස්ථාව සටහන් වන්නේ මීට වසර 58 කට පෙර 1965 වසරේදීයි.
මේ අතර ක්වීන්ස්ලන්ඩ් ප්‍රාන්තයටද අද සහ හෙට ලැව් ගිණි අනතුරු ඇගවීම් නිකුත් කර තිබෙනවා.
පසුගිය වසර 04 තුළදී ලැව්ගිනි පාලනය කිරීම සඳහා සහය වූ ක්වීන්ස්ලන්ඩ් ස්වේච්ඡා භටයන් 10,000 ක් පමණ සේවය අතහැර ගොස් තිබෙනවා.
