Dating ඇප්ලිකේෂන සමාගම් වෙත ෆෙඩරල් රජයෙන් දැඩි නියෝගයක්

පරිශීලකයන්ගේ ආරක්ෂාව සහතික කෙරෙන ආචාර ධර්ම පද්ධති මාලාවක් ලබන වසරේ මැද භාගය වනවිට සකස් කර අවසන් කරන්නැයි ෆෙඩරල් රජය විසින් dating ඇප්ලිකේෂන සමාගම් වෙත නියෝග කර තිබෙනවා.

එසේ නොවුණහොත් දැඩි නියාමනයක් සිදුකිරීමට සිදුවන බවටයි අනතුරු අගවා ඇත්තේ.

අන්තරජාලය ඔස්සේ ජනප්‍රිය ලෙස පරිශීලනය වන dating ඇප්ලිකේෂණ භාවිත කරන පුද්ගලයින් 3/4 ක් කුමන හෝ ලිංගික හිංසනයන්ට ලක්වන බව සමීක්ෂණයකින් හෙළිවීමත් සමගයි මෙම පියවර ගෙන ඇත්තේ.

ලිංගික හිරිහැර සහ ප්‍රචණ්ඩත්වයෙන් පරිශීලකයින් ආරක්ෂා කිරීම සඳහා අදාළ යෙදවුම්වල ප්‍රමිතිය තහවුරු කරන ලෙස අදාල සමාගම් වෙත මේ වනවිටත් ලිඛිතව දැනුම් දී තිබෙනවා.

ලිංගික ප්‍රචණ්ඩත්වය සහ හිරිහැර සම්බන්ධව ලද පැමිණිලි සංඛ්‍යාව දිනෙන් දින ඉහළ යැම හේතුවෙන් ඒ සදහා සීමා පැනවීමට පසුගිය ජනවාරි මස සිට යෝජනා ඉදිරිපත්ව තිබුණා.

මේ වන විට ඔස්ටේ්‍රලියාව තුළ කුමන හෝ dating ඇප්ලිකේෂණයක් භාවිත කරන පරිශීලකයින් ගණන මිලියන තුන ඉක්මවා ගොස් තිබෙනවා.

වසර 5 ක් තුළ සිදු කළ සමීක්ෂණවලින් තහවුරු වී ඇත්තේ ලිංගික අතවර, තර්ජන සහ අසභ්‍ය ඡායාරූප මත පදනම් වූ ලිංගික හිංසනයන්ට පරීශීලකයින් මුහුණ පා ඇති බවයි.

කෙසේ වෙතත් ඔබ හෝ ඔබේ සමීපතමයෙකු යම් ආකාරයේ ලිංගික හිංසනයකට ලක්වන්නේ නම් 1800 737 732 යන දුරකතන අංකය හෝ 000 (ට්‍රිපල් සීරෝ) යන ක්ෂණික ඇමතුම් අංකය හා සම්බන්ධ වෙමින් ඒ පිළිබද දැනුවත් කිරීමට අවස්ථාව හිමිවනවා.

නිවසේ ඇස්බැස්ටෝස් තියෙනවා නම් සැලකිලිමත් වෙන්න

රට තුළ නිවාස හා ගොඩනැගිලි ඉදිකිරීමේ දී ඇස්බැස්ටෝස් භාවිතය තහනම් කර තිබුණ ද සෑම නිවාස තුනෙන් එකක් සඳහා තවදුරටත් ඇස්බැස්ටෝස් භාවිත කරන බව හඳුනාගෙන තිබෙනවා.

Read More »

පොලි අනුපාත වැඩි වීමේ අවදානමක් ගැන ඉඟියක්

පසුගිය සතියේ ඉදිරිපත් කරනු ලැබූ ෆෙඩරල් අයවැය මගින් පොලි අනුපාත වැඩි වීමේ හැකියාව ඉහළ නංවන බවට ඔස්ට්‍රේලියානුවන් වැඩි පිරිසක් කනස්සල්ලට පත්ව සිටින බව වාර්තා වනවා.

Read More »

හෙලිකොප්ටර් අනතුරින් මියගිය ඉරාන ජනපතිගේ අවසන් කටයුතු අද

හෙලිකොප්ටර් අනතුරකින් ජීවිතක්ෂයට පත්වූ වූ ඉරාන ජනාධිපති ඊබ්‍රහිම් රයිසිගේ අවසන් කටයුතු අද සිදු කිරීමට නියමිතව තිබෙනවා.

Read More »

ඊශ්‍රායල අගමැති සහ හමාස් නායකයා අත්අඩංගුවට ගැනීමට වරෙන්තු

ඊශ්‍රායල අගමැති බෙන්ජමින් නෙතන්යාහු සහ හමාස් නායක යාහියා සින්වාර් සහ අත්අඩංගුවට ගැනීමට ජාත්‍යන්තර අපරාධ අධිකරණය වරෙන්තු ඉල්ලා සිටින බව අධිකරණයේ ප්‍රධාන අභිචෝදක කරීම් ඛාන් පවසනවා.

Read More »

ඩිලන්ත මාලගමුවට ඉතාලියේදී ජයග්‍රහණයක්

ඉතාලියේ මිසානෝ ජාත්‍යන්තර මෝටර් රථ ධාවන පථයේ ඊයේ (19) පැවැති යුරෝපියානු GT4 මෝටර් රථ ධාවන තරගයේ දෙවෙනි ස්ථානය දිනාගැනීමට ශ්‍රී ලංකාවේ ප්‍රවීන මෝටර් රථ ධාවන ශූර ඩිලන්ත මාලගමුවට හැකියාව ලැබුණා.

Read More »