පාසල් නිවාඩු සමය එළැඹීමත් සමග ඉදිරි දින කිහිපයේදී ඔස්ට්‍රේලියාව පුරා ගුවන් තොටුපළවල දැඩි තදබද පැවතිය හැකි බවට අනාවැකි පළවනවා.
ඒ අනුව කාර්යබහුල කාල සීමාවකට මුහුණ දීම සඳහා පියවර ගනිමින් ඇති බවයි බ්‍රිස්බන් – මෙල්බන් සහ සිඩ්නි ගුවන් තොටුපළ බළධාරීන් සඳහන් කලේ.
සැප්තැම්බර් පාසල් නිවාඩු සමයේදී බ්‍රිස්බන් ගුවන් තොටුපළ හරහා ගමන් කරනු ඇති බවට අපේක්ෂා කරන මගීන් සංඛ්‍යාව මිලියන 1.65 ක්.
එයින් මිලියන 1.3 ක් පමණ අභ්‍යන්තර ගුවන් ගමන්වල නිරත වනු ඇති බවටයි පුරෝකථනය කර ඇත්තේ.
නිවාඩු කාල සීමාවේදී මිලියන 1.74 ක් බැගින් වන පිරිසක් මෙල්බන් සහ සිඩ්නි ගුවන් තොටුපළ භාවිත කරනු ඇති බවට ද අනාවැකි පළවනවා.
