නොමිළයේ ගුරු උපාධි හදාරන්න වික්ටෝරියා ප්‍රාන්තයෙන් ශිෂ්‍යත්ව

වික්ටෝරියා ප්‍රාන්තයේ ගුරු උපාධි සඳහා ඇතුළත් වන අපේක්ෂකයින්ට නොමිළයේ උපාධිය හැදෑරීම සඳහා අවස්ථාව ලබාදීමට ප්‍රාන්ත රජය තීරණය කර තිබෙනවා.

2024 සහ 2025 වසරවල ගුරු උපාධිය සඳහා ඇතුලත් වන්නන් වෙනුවෙන් ඩොලර් මිලියන 230 ක මුදලක් මේ යටතේ වෙන් කෙරෙනු ඇති.

එහි මූලික අධියර යටතේ වික්ටෝරියා ප්‍රාන්තයේ ද්විතික පාසැල් සිසුන්ට ගුරු උපාධිය හැදෑරීම සදහා ඩොලර් මිලියන 93.2 ක ශිෂ්‍යත්ව
ලබා දීමට නියමිතයි.

වසර 04 ක උපාධියක් සදහා ඩොලර් 18,000 ක මුදලක් හෝ පශ්චාත් උපාධිය සම්පූර්ණ කිරීම සදහා ඩොලර් 9,000 ක මුදලක් ඒ යටතේ ලබාදෙනු ඇති.

උපාධිය ලැබීමෙන් අනතුරුව වසර දෙකක කාලයක් විකටෝරියා ප්‍රාන්තයේ රජයේ පාසැල්වල ගුරු පුහුණුව සදහා අවස්ථාව හිමිවන අතර එමගින් අමතර මුදලක් උපයා ගැනීමටද අවස්ථාව හිමිවනවා.

මෙම ව්‍යාපෘතිය යටතේ සෑම වසරකදීම නවක ගුරුවරුන් 4,000 ක් පමණ ගුරු වෘත්තිය සදහා අලූතින් එක්වනු ඇති බවටයි අනාවැකි පළවන්නේ.

උපාධිදාරි ගුරුවරුන් සදහා තම වෘත්තීය නිපුණත්වය සදහා නව වැඩසටහන් ආරම්භ කිරීමට ද සැලසුම් කර තිබෙනවා.

ඒ යටතේ 2025 වසරේ උපාධිධාරීන් රැකියා ගත කිරීම සදහා ඩොලර් මිලියන 13.9 ක මුදලක්ද වෙන් කර ඇති බවයි වාර්තා වන්නේ.

2020 සහ 2022 අතර වික්ටෝරියා ප්‍රාන්තයේ හි ලියාපදිංචි ගුරුවරුන් සංඛ්‍යාව 5000 කින් පමණ වැඩිවී ඇති බවටද හෙළි කරගෙන තිබෙනවා.

ළමයින් ශ්‍රමිකයන් ලෙසට යොදා ගත්තොත් වැඩ වරදී

වික්ටෝරියා ප්‍රාන්තයේ ළමා ශ්‍රමිකයින් යොදා ගන්නා වෙළඳසැල්වලට එරෙහිව නීතිය තදින්ම ක්‍රියාත්මක කරන බව ප්‍රාන්ත ආණ්ඩුව නිවේදනය කර තිබෙනවා.

Read More »

නීති විරෝධීව බෝට්ටුවෙන් පැමිණි පිරිසක් අනාරක්ෂිත වෙයි

බටහිර ඔස්ට්‍රේලියාවේ යොන්ගාහි සංක්‍රමණික රැදවුම් මධ්‍යස්ථානය තවදුරටත් එම රැඳවුම් සඳහා සුදුසු නොවන බවට මානව හිමිකම් කොමිසම ප්‍රකාශ කරනවා.

Read More »

ලාංකිකයන්ට ඔස්ට්‍රේලියා යන්න අවස්ථාවක් අරගෙන ඔස්ට්‍රේලියාවේ සංක්‍රමණික නියෝජිතවරු සහ නීතිඥවරු ශ්‍රී ලංකාවට

ඔස්ට්‍රේලියාවේ රැකියාවක් මෙන්ම අධ්‍යාපනය පිළිබඳ බලාපොරොත්තුවෙන් පසුවන ශ්‍රී ලාංකික තාරුණ්‍යයේ සිහින ඉටු කෙරෙන “Aus Lanka TV Education Migration Expo 2024” වැඩසටහන ලබන මැයි මස 4 වන සෙනසුරාදා පැවැත්වීමට සියලු කටයුතු සූදානම් කර තිබෙනවා.

Read More »