ක්වින්ස්ලන්ඩ් ප්‍රාන්තයේ ආසන පටි නීති උල්ලංඝණය කල රියදුරන්ගෙන් අයකරගත යුතු හිග දඩ මුදල ඩොලර් මිලියන 33 කට ආසන්න වී තිබෙනවා.
රියදුරන් 43,651 දෙනෙකු මෙලෙස දඩමුදල් ගෙවා නොමැති අතර එය පසුගිය වසර 02 තුළදි 19,181 කින් ඉහළයාමක් වනවා.
ඩොලර් 413 ක් ලෙස පැවති ආසන පටි නීති කැඩීමේ දඩ මුදල පසුගිය ජුලි මස සිට ඩොලර් 1,078 දක්වා වැඩිකිරිමටයි ප්‍රාන්ත රජය පියවර ගනු ලැබුවේ.
ක්වින්ස්ලන්ඩ් ප්‍රාන්තයේ ස්ථාන කිහිපයක සවිකර ඇති කැමරා පද්ධති මගින් 2021 වසරේ සිට ආසන පටි නිසි ලෙස පැළද නොමැති රියදුරන් හදුනා ගැනීමට පියවර ගෙන තිබුනා.
2021 වසරේ ජුනි මස වන විට හිග දඩ මුදල ඩොලර් මිලියන 5.9 ක් වූ අතර 2023 වන විට එය සියයට 450 කින් පමණ ඉහළ ගොස් ඇති බවයි වාර්තා වන්නේ.
2022 වසරේ ක්වින්ස්ලන්ඩ් ප්‍රාන්තයේ රිය අනතුරු හේතුවෙන් පුද්ගලයින් 297 ක් ජිවිතක්ෂයට පත්ව ඇති අතර එය පසුගිය වසර 05 ක සාමාන්‍ය මාරක රිය අනතුරු සංඛ්‍යාවට සාපේක්ශව සියයට 17 ක ඉහළයාමක්.
අධික වේගය, රිය ධාවනයේදි ජංගම දුරකතන භාවිතය, මාර්ග සංඥා කඩකිරීම් සහ නිසි පරිදි ආසන පටි පැලද නොසිටීම වැනි රිය ධාවන වැරදි සම්බන්ධයෙන් වැඩි අවධානයෙන් පසුවන බවයි ක්වින්ස්ලන්ඩ් පොලිසිය සඳහන් කරන්නේ.
