ඉදිරි සති කිහිපයේදී සුපිරි වෙළඳසැල්වල බැටළු මස් මිල කැපී පෙනෙන ලෙස පහළ යනු ඇති බවට අනාවැකි පළවනවා.
දේශීය හා ජාත්‍යන්තර වෙළඳපොල වෙත බැටළු මස් සපයන ප්‍රධාන ආයතන පවසන්නේ ජාත්‍යන්තර වෙළඳපළෙහි මිල පහත වැටීම ඊට හේතුව බවයි.
පසුගිය වසර 03 ක කාලය තුල වෙළඳපලෙහි බැටලූ මස් මිල ඉහළ අගයක පැවතුණා.
එළඹෙන උත්සව සමය ඉලක්ක කරගනිමින් ඉදිරි මාස කිහිපය තුල බැටලූ මස් මිල තවදුරටත් පහත දැමීමටයි වෙළදසැල් පියවර ගෙන ඇත්තේ.
ඒ අනුව වසර 25 කට පමණ පසු බැටලු මස් මිළෙහි සීඝ්‍ර පහළයාමක් ඉදිරියේදී අපේක්ෂා කල හැකි බවයි විචාරකයින් පෙන්වා දෙන්නේ.
කෙසේවෙතත් මිළ පහළයාම හමුවේ තමන් දැඩි පීඩාවට පත්ව සිටින බවයි බැටලු මස් නිෂ්පාදකයන් සඳහන් කරන්නේ.
මේ වන විට බැටලූ මස් කිලෝවක් සඳහා නිෂ්පාදකයන්ට ලැබෙනුයේ ඩොලර් 4.70 ක මිළක් වන අතර සුපිරි වෙළඳසැල්වල සකස් කරන ලද බැටලූ මස් කිලෝවක මිල ඩොලර් 10 – 12 ත් අතර අගයක් වන බව සඳහන්.
