Airbnb නවාතැන් සම්බන්ධයෙන් දැඩි රෙගුලාසි පැණවීමට මෙල්බන් නාගරික කවුන්සිලය තීරණය කර තිබෙනවා.
ඒ අනුව කෙටිකාලීන කුළී නවාතැන් සපයන ස්ථානවලින් වාර්ෂික ලියාපදිංචි ගාස්තුවක් අය කෙරෙන අතර නිවාස කුළියට දිය හැකි උපරිම දින ගණන සඳහාද සීමා පැණවීමට නියමිතයි.
ලබන වසරේ පෙබරවාරි මාසයේ සිට බලාත්මක කෙරෙන මෙම නව රෙගුලාසි සම්බන්ධයෙන් අවසාන තීරණයක් ලබන නොවැම්බර් මාසය වනවිට ගැනීමටයි සැළසුම් කර ඇත්තේ.
මෙල්බන් නගරයේ දැනට පවතින උග්ර නිවාස අර්බුදය මීට හේතුවු බවයි නගරාධිපතිනී සැලී කැප් සඳහන් කලේ.
නවාතැන් සම්බන්ධයෙන් දැනට පවතින ලිහිල් රෙගුලාසි හමුවේ පුහුණු ශ්රමිකයන් ලෙස මෙල්බන් නගරයට පැමිණෙන සංක්රමණිකයන්ට නවාතැන් පහසුකම් සපයාගැනීමේදී දැඩි අසීරුතාවයන්ට මුහුණදීමට සිදුවන බවටයි චෝදනා එල්ල වන්නේ.
මේ වනවිට මෙල්බන් නගරයේ ඇති Airbnb නවාතැන් සංඛ්යාව 4,100 කට ආසන්නයි.