ඔස්ට්‍රේලියාවේ දෙවන විශාලතම බැංකුව වන NAB බැංකුව රැකියා කප්පාදුවකට සූදානම් වනවා.
ඒ අනුව අළෙවි අංශයේ සමස්ථ රැකියා 600 න් සියයට 10 ක් හෙවත් රැකියා 60 ක් මෙලෙස කපා හැරීමට නියමිතයි.
මෙම රැකියා කප්පාදුව මෙම සතියේ සිට ආරම්භ කිරීමට නියමිත නමුත් එය අභ්‍යන්තර සේවකයන්ට නිල වශයෙන් තවමත් දැනුම් දී නැහැ.
කෙසේ වෙතත් බලපෑමට ලක්වන සේවකයින් සම්බන්ධව ප්‍රමුඛතාවය ගෙන ඔවුන්ට සහන සැපයීමට ද NAB බැංකුවේ පාලනාධිකාරිය පියවර ගෙන තිබෙනවා.
පසුගිය ජූලි මාසයේදී NAB බැංකුව සඳහන් කළේ අඩු වැටුප් ලබන සේවකයින් හට ඉදිරි වසර 03 ක කාළය තුල සියයට 17.5 කින් වැටුප් වර්ධක ලබාදීමට කටයුතු කරන බවයි.
ඉහළ යන උද්ධමනය, පොලී අනුපාතික හා වියදම් කපා හැරීම හේතුවෙන් තවත් බැංකු කිහිපයක්ද ප්‍රතිව්‍යූහගත කිරීමේ අවශ්‍යතාව මත මේ වනවිට රැකියා කප්පාදු නිවේදනය කර තිබෙනවා.
