ඔස්ට්‍රේලියාවේ මෙතෙක් අලෙවි වූ මිල අධිකම නිවස සඳහා වන වාර්තාව බිඳ දැමීමට සිව්මහල් සුඛෝපභෝගී මන්දිරයක් අලෙවියට සුදානම් කෙරෙමින් පවතිනවා.
ඔස්ට්‍රේලියානු ව්‍යවසායකයෙකු වන ජෝන් සිමන්ඩ්ට අයත් Point Piperහි පිහිටි වින්ගඩාල් නම් සුඛෝපභෝගී නිවස ඩොලර් මිලියන 200ක වාර්තාගත මිලකට මෙලෙස අලෙවි කිරීමට නියමිත බවයි වාර්තා වන්නේ.
සිඩ්නි වරාය ආසන්නයේ පිහිටි මෙම සිව්මහල් සුඛෝපභෝගී නිවසේ වත්මන් හිමිකරු 2022 වසරේ දී එය ඩොලර් මිලියන 130ක මුදලකට මිලදී ගෙන තිබුණා.
නිවසේ හිමිකරු වන ඔසි හෝම් ලෝන් හි නිර්මාතෘ ජෝන් සිමන්ඩ් ප්‍රකාශ කළේ නිවස විකිණිමෙන් අනතුරුව තමන් විදේශගත වීමට අපේක්ෂා කරන බවයි.
ආසන 22 කින් යුත් සිනමා ශාලාවක් සහ වාහන 20ක් එකවර නවතා තැබීමට හැකි රථගාලක් ද වින්ගඩාල් නිවසට ඇතුළත්.
බෝතල් 2500ක ධාරිතාවයකින් යුත් වයින් බඳුනක් එහි තිබෙන අතර ගෘහ නිර්මාණ ශිල්පය අතින් ද වින්ගඩාල් නිවස මනරම් වනවා.
