Working holiday වීසා සඳහා හඳුන්වාදීමට යෝජිත නව වෙනස්කම් හමුවේ සිය කර්මාන්තය පවත්වාගෙන යාමට අසීරු තත්වයක් උදාවනු ඇති බවට ගොවිපොළ හිමියන් අනාවැකි පළකරනවා.
බටහිර ඔස්ට්‍රේලියා – ක්වීන්ස්ලන්ඩ් සහ Northern Territory වැනි ප්‍රාන්තවල ගොවිපොළවල පළතුරු කැඩීම ඇතුලු සේවා රැසක් ඉටු කරනු ලබන්නේ Working holiday visa මත පැමිණෙන Backpacker වරුන් විසින් වීම ඊට හේතුවයි.
දැනට පවතින වීසා කොන්දේසි අනුව regional ප්‍රදේශයක දින 88 ක් රැකියාවක් කර ඇති අයෙකුට සිය වීසා බලපත් කාලය දීර්ඝ කර ගැනීමේ හැකියාව පවතිනවා.
එහෙත් ෆෙඩරල් රජය විසින් ගෙන ඒමට යෝජිත සංක්‍රමණ නීති වෙනස්කම් අතර ප්‍රධාන සංශෝධනයක් වන්නේ Working holiday visa වලංගු කාලය වසරකට සීමා කිරීමයි.
මේ හරහා සිය ගොවිපොළවල රැකියා සඳහා පැමිණෙන පිරිස විශාල වශයෙන් අඩුවිය හැකි බවටයි ගොවිපොළ හිමියන් අනතුරු අගවන්නේ.
විශේෂයෙන් එළඹෙන ග්‍රීෂ්ම සෘතුවට පෙර අදාළ නීති බලාත්මක කළහොත් තත්වය තවත් උග්‍ර වනු ඇති බවටද ඔවුන් පුරෝකථනය කර සිටිනවා.
