ඩාර්වින් ආසන්නයේදී සිදුවූ යුධ ගුවන් යානා අනතුරකින් අමෙරිකානු හමුදා සෙබලුන් 03 දෙනෙකු මියයාමේ සිද්ධිය සම්බන්ධයෙන් විමර්ශන ගණනාවක් ආරම්භ වී තිබෙනවා.
අමෙරිකා – ඔස්ට්‍රේලියා ඒකාබද්ධ යුධ අභ්‍යාසයක් අතරතුර ඊයේ පෙරවරුවේ සිදුවූ මෙම අනතුරින් තවත් සෙබලුන් 05 දෙනෙකු තුවාල ලැබූවා.
අනතුර සිදුවනවිට අදාළ යුධ ගුවන් යානයේ 23 දෙනෙකු ගමන් කර ඇති බව සඳහන්.
ඔස්ට්‍රේලියා ආරක්ෂක අමාත්‍ය රිචඩ් මාල්ස් පවසන්නේ සිදුකරන විමර්ශනවලදී අමෙරිකානු ආරක්ෂක අංශවලද සහයෝගය ලබාගන්නා බවයි.
ඩාර්වින් සිට කිලෝමීටර් 60 ක් පමණ දුරින් පැවැත්වෙන මෙම හමුදා අභ්‍යාසයට හමුදා සෙබලුන් 2,500 කට වැඩි පිරිසක් සහභාගී වී සිටිනවා.
