දකුණු වියට්නාමයේ වෙළඳසැලකින් bánh mì නම ආහාරය අනුභව කිරීමෙන් පසු 500 කට වැඩි පිරිසක් ආහාර විෂවීමක් නිසා රෝහල්ගත කර තිබෙනවා.
ඔවුන්ගෙන් වයස අවුරුදු හයත් හතත් අතර පිරිමි ළමුන් දෙදෙනෙකු ඇතුළු 12 දෙනෙකුගේ තත්ත්වය බරපතල බවයි රෝහල් ආරංචි මාර්ග පවසා ඇත්තේ.
මෙම ආහාරය අලෙවි කර ඇති වියට්නාමයේ ඩොං නයි පළාතේ පිහිටුවා ඇති මෙම බේකරිය තාවකාලිකව වසා දමා ඇති බව සඳහන්.
පවතින තාප තරංගයේ ප්‍රතිඵලයක් ලෙස මෙම ආහාරය නරක් වන්නට ඇතැයි විශ්වාස කෙරෙනවා.
කෙසේ වෙතත් බේකරිය සම්බන්ධව කළ මූලික පරීක්‍ෂණයේදී අනාවරණය වී ඇත්තේ එය ආහාර සුරක්ෂිතතා ප්‍රමිතීන්ට අනුකූල නොවන බවයි.
bánh mì යනු වියට්නාමයේ සාම්ප්‍රදායික සැන්ඩ්විච් එකක් වන අතර එය සීතල මස් සහ එළවළු පිරවූ ප්‍රංශ විලාසිතාවේ බෑගට් එකක් ලෙස විස්තර වනවා.
