සිය රථගාල් භාවිත කරන පාරිභෝගිකයන්ගෙන් ගාස්තුවක් අය කිරීමට මෙල්බන් හි අතිශය ජනාකීර්ණ සුපිරි වෙළඳ සංකීර්ණයක් වන Chadstone shopping centre පාලනාධිකාරිය තීරණය කර තිබෙනවා.
ඒ අනුව ලබන වසරේ (2024) මැයි මාසයේ සිට නොමිළයේ වාහන ගාල් කර තැබිය හැකි වනුයේ පළමු පැය 02 තුළදී පමණයි.
අනතුරුව වාහනය නතර කරන ස්ථානය අනුව ගාස්තු අය කිරීමේ ක්‍රමයක් ක්‍රියාත්මක කෙරෙනු ඇති.
1960 දශකයේදී මහජනතාවට විවෘත කිරීමෙන් පසු මේ දක්වා Chadstone shopping centre හි ඕනෑම වේලාවක් නොමිළයේ වාහන ගාල් කර තැබීමට අවස්ථාව සළසා දී තිබුණා.
මේ අතර යෝජිත ගාස්තු ක්‍රමය සම්බන්ධයෙන් පාරිභෝගිකයන් විශාල පිරිසක් අප්‍රසාදය පළකර තිබෙනවා.
ඔවුන් පෙන්වා දී ඇත්තේ තමන් භාණ්ඩ මිළදී ගැනීමටද විශාල මුදලක් වැය කරන බැවින් රථ වාහන නැවතුම් ගාස්තුවක් අය කිරීම අසාධාරණ බවයි.
