තායිවානයේ, හුවාලියන් ප්‍රදේශයේ ප්‍රබල භූකම්පනයක් සිදුව ඇතැයි විදෙස් විදෙස් මාධ්‍ය වාර්තා පවසනවා.
රික්ටර් මාපකයේ ඒකක 6.1ක ප්‍රබලත්වයක් යුත් මෙම භූකම්පනය අද අලුයම 5ට පමණ සිදුව ඇති බවයි වාර්තා වන්නේ.
භූකම්පනය තායිපේ අගනුවරට ද දැනී ඇති බව සඳහන්.
කෙසේ වෙතත් ඉන් සිදු වූ හානියක් පිළිබඳ මෙතෙක් වාර්තා වී නොමැති බව තායිවාන බලධාරීන් ප්‍රකාශ කළා.
පසුගියදා තායිවානයේ ඇති වූ රිච්ටර් මාපක 7.2 ක ප්‍රබල භූකම්පනයකින් පුද්ගලයන් 17 දෙනෙකු ජීවිතක්ෂයට පත් වු අතර අනතුරුව පසු කම්පන 1,000කට අධික සංඛ්‍යාවක් ද වාර්තා වී තිබූ බවයි විදෙස් මාධ්‍ය වාර්තා කළේ.
තායිවානය භූමිකම්පාවලට ගොදුරු වන භූ තැටි දෙකක් ;අසල පිහිටීම හේතුවෙන් නිරන්තරයෙන් භූ කම්පනවලට ලක් වනවා.
2016 දී දකුණු තායිවානයේ ඇති වූ භූමිකම්පාවකින් පුද්ගලයින් 100 කට වැඩි පිරිසක් මිය ගිය අතර 1999 දී රික්ටර් පරිමාණයේ 7.3 ක භූමිකම්පාවකින් පුද්ගලයින් 2,000 කට වැඩි පිරිසක් මිය ගියා.
