ඇඩිලේඩ් හි පාසල් පරිශ්‍රයක් තුල සිදුවූ පිහි ඇනුමක් හේතුවෙන් සිසුවියක තුවාල ලබා රෝහල් ගත කර තිබෙනවා.
සිද්ධියෙන් අනතුරුව පාසල තාවකාලිකව වසා දෑමිමටයි බලධාරීන් පියවර ගෙන ඇත්තේ.
කැපුම් තුවාල සහිතව තුවාල ලබා රෝහල්ගත කළ අවුරුදු 12 ක් වයසැති සිසුවියගේ තත්වය බරපතල නොවන බවයි රෝහල් ආරංචි මාර්ග සඳහන් කළේ.
සිද්ධියට අදාළ සැකකරු එම පාසලේම සිසුවෙකු වන අතර ඔහු මේ වන විට අත්අඩංගුවට ගෙන තිබෙනවා.
සිද්ධියෙන් අනතරුව පාසලේ අනෙකුත් සිසුන්ගේ ආරක්ෂාව තර කිරීමට පියවර ගත් බවයි විදුහල්පතිවරයා මාධ්‍ය වෙත අදහස් දක්වමින් ප්‍රකාශ කළේ.
පාසල තාවකාලිකව වසා දැමුවද පාසලේ කිසිදු සිසුවකුට ඉදිරියේ දී මෙවැනි අවධානමක් නොමැති බව පොලීසිය අවධාරණය කරනවා.
විදුහල්පතිවරයා වැඩීදුරටත් සඳහන් පාසල් කාර්ය මණ්ඩලයට සහ සිසුන්ගේ පවුල් වෙත නිරතුරු උපදේශණ ක්‍රියාවලියක් ආරම්භ කිරීමට කටයුතු කරන බවයි.
සිද්ධිය සම්බන්ධයෙන් දකුණු ඔස්ට්‍රේලියා පොලීසිය මේ වන විට විමර්ශන ආරම්භ කර තිබෙනවා.
