ක්වීන්ස්ලන්ඩ් ප්‍රාන්තයේ ග්‍රාමීය රෝහල්වල පවතින කාර්ය මණ්ඩල පුරප්පාඩු හේතුවෙන් ගැබිණි මව්වරුන් ගැටලු රැසකට මුහුණ පා ඇති බවට වාර්තා වනවා.
මේ හේතුවෙන් ඇතැම් ගැබිණි මව්වරුන් හට දරු ප්‍රසූතියට නියමිත දිනය ප්‍රමාද කිරීමට පවා සිදුව ඇති බව සඳහන්.
පවුල් සෞඛ්‍ය සේවා නිළධාරී වෘත්තීය සමිති පෙන්වා දෙන්නේ දැනට සිටින සීමිත කාර්ය මණ්ඩලයට දැරිය නොහැකි රාජකාරී පැවරීම මත එම සේවා අඩාල වී ඇති බවයි.
ඇතැම් ප්‍රාදේශීය රෝහල් වල උපත් හා මාතෘ සේවා පසුගිය කාලය තුළ සම්පූර්ණයෙන්ම අත්හිටුවා තිබුණා
විශේෂඥ ප්‍රසව හා නාරිවේද සංගමය පවසන්නේ ප්‍රසව හා නාරීවේදී පුහුණු වෛද්‍යවරුන්ගේ හිගයද මෙම තත්වයට සෘජුව බලපා ඇති බවයි.
කෙසේවෙතත් සෞඛ්‍ය බලධාරීන් පෙන්වා දෙන්නේ ප්‍රාන්තය පුරා මාතෘ සෞඛ්‍ය සායන 41 ක් පමණ ආරම්භ කර ඇති අතර ගර්භණී සෞඛ්‍යය නංවාලීම සඳහා පියවර රැසක් ගැනීමට නියමිත බවයි.
