තවත් සති කිහිපයකින් ආර්ම්භ වන මෙම වසරේ ලැව් ගිනි සමයේදී වැඩිම බලපෑම එල්ලවිය හැකි කලාප ඇතුළත් සිතියම නිකුත් කර තිබෙනවා.
ඊට අනුව ටස්මේනියා – බටහිර ඔස්ට්‍රේලියා සහ ACT ප්‍රාන්ත හැර අනෙකුත් සෑම ප්‍රාන්තයකම ලැව්ගිනි අවධානම වැඩි ප්‍රදේශ ඇතුළත්ව තිබීම විශේෂත්වයක්.
පසුගිය මාස කිහිපය පුරා අපේක්ෂිත වර්ෂාපතනයන් නොලැබීම හමුවේ වියළී ගිය ශාඛ කොටස් බහුලවීම හේතුවෙනුයි ගිණි ගැනීම් අවධානම ඉහළ මට්ටමක පවතින්නේ.
මෙවර ග්‍රීෂ්ම සෘතුව අධික උණුසුමකින් යුක්තවීම හමුවේ පෙර වසරවලට සාපේක්ෂව ලැව් ගිනි සිදුවීම් ද ඉහළ අගයක් ගනු ඇති බවටද අනාවැකි පළවනවා.
එබැවින් ආපදා අවධානම් වැඩිම ප්‍රදේශවල ජනතාවට දැන් සිටම ඒ සඳහා සූදානම් වන ලෙසයි ඔස්ට්‍රේලියානු බළධාරීන් දන්වා සිටින්නේ.
