ඔස්ට්රේලියානු පාසල් සිසුන් අතුරින් 1/3 ක් පමණ අවම සාක්ෂරතා සහ ගණිතමය කුසලතා හැකියාවන් ළගාකරගෙන නොමැති බව තහවුරු වී තිබෙනවා.
අද නිකුත් කල NAPLAN දත්ත අනුව පෙනී යන්නේ සෑම සිසුන් 10 දෙනෙකුගෙන් අයෙකුටම අමතර සහයක් අත්යවශ්ය බවයි.
ප්රථිඵල නිකුත් කිරීමේ නව ශ්රේණිගත කිරීම හඳුන්වාදීමෙන් පසු පළමු දත්ත වාර්තාවයි අද මෙලෙස ප්රකාශයට පත් කෙරුණේ.
නව ශ්රේණිගත කිරීම අනුව අභිබවා යාම (Exceeding), ශක්තිමත් (Strong) , සංවර්ධනය වන (Developing) සහ අතිරේක සහය අවශ්ය (Needs additional support) ලෙස කාණ්ඩ 04 කට ප්රථිඵල වර්ග කිරීම සිදුවනවා.
අතිරේක සහය අවශ්ය වැඩිම සිසුන් පිරිසක් වාර්තා වන්නේ දුෂ්කර හෝ ප්රාදේශීය කලාපවලින් වීමද විශේෂත්වයක්.
සාක්ෂරතා මට්ටම අතින් ගැහැණු දරුවන් ද ගණිතමය කුසළතා අතින් පිරිමි දරුවන්ද ඉදිරියෙන් පසුවන බවයි අද නිකුත් කල NAPLAN දත්තවල සඳහන් වන්නේ.
