අලුතින් ඉදි කරන ගොඩනැගිලි සඳහා ගෑස් සබඳතා තහනම් කෙරෙන යෝජනාව සිඩ්නි නාගරික කවුන්සිලය විසින් ද සම්මත කරගෙන තිබෙනවා.
ඊට අදාළව පැවති ඡන්ද විමසීමේදී සභිකයන් 10 දෙනෙකුගෙන් 08 දෙනෙකුම එම යෝජනාවට පක්ෂව ඡන්දය භාවිත කර ඇති බව සඳහන්.
කෙසේවෙතත් කෙදින සිට මෙම තහණම බලාත්මක කරන්නේද යන්න සම්බන්ධයෙන් තවමත් අවසන් තීරණයක් ගෙන නැහැ.
වික්ටෝරියා සහ ACT ප්‍රාන්ත විසින් සමස්ත ප්‍රාන්ත පුරාම බලපැවැත්වෙන පරිදි ගෑස් තහනම් සම්මත කරගෙන ඇති අතර නිවු සවුත් වේල්ස් හි නාගරික කවුන්සිල මට්ටමින් එවැනි යෝජනා සම්මත කර ගනිමින් පවතිනවා.
නිවු සවුත් වේල්ස් අගමැති ක්‍රිස් මින්ස් පසුගියදා සඳහන් කලේ සමස්ත ප්‍රාන්තයට බලපැවැත්වෙන පරිදි එවැනි යෝජනාවක් ගෙන ඒමට අපේක්ෂාවක් නොමැති බවයි.
