මාර්ග ධාවන නීති කඩකරන රියදුරන් කැමරා ආශ්‍රිතව හඳුනාගැනීමේ වැඩපිළිවෙලක් ටස්මේනියා ප්‍රාන්තය තුළද ආරම්භ කර තිබෙනවා.
ගතවූ පැය 43 ක කාලය තුළ එවැනි රියදුරන් 339 දෙනෙකු හඳුනාගත් බවයි ප්‍රාන්ත පොලිසිය සඳහන් කලේ.
කැමරා 14 ක් මෙලෙස සක්‍රීය කර ඇති අතර දැනට නියමු ව්‍යාපෘතියක් ලෙසයි එය ක්‍රියාත්මක වන්නේ.
ජංගම දුරකථන භාවිත කරමින් රිය පැදවීම මෙන්ම ආසන පටි නොපැළඳ රථවාහන ධාවනය පිළිබඳවයි එහිදී වැඩි වශයෙන් අවධානය යොමු කරනු ලබන්නේ.
ටස්මේනියා ප්‍රාන්ත නීතියට අනුව මෙම වරද සඳහා ඩොලර් 390 ක දඩයක් මෙන්ම අප්‍රසාද ළකුණු 03 ක් ද නියම කල හැකියි.
ක්වීන්ස්ලන්ඩ් ප්‍රාන්තය විසින් 2021 වසරේදී මෙම වැඩපිළිවෙල පළමු වරට ආරම්භ කල අතර පළමු වසර තුළදී ඩොලර් මිලියන 159 ක දඩ මුදල් ආදායමක් ප්‍රාන්ත රජයට උපයා දී තිබුණා.
