බටහිර ඔස්ට්‍රේලියාවේ LNG බලාගාරයක සේවක වර්ජනයක් හේතුවෙන් යුරෝපයේ ගෑස් මිළ ගණන් කැපී පෙනෙන ලෙස ඉහළයාමේ අවධානමක් මතුවී තිබෙනවා.
වැටුප් ගැටලුවක් මුල් කර ගනිමින් ලබන සැප්තැම්බර් 02 වනදා සිට වර්ජනයක නිරතවීමටයි ඔවුන් තීරණය කර ඇත්තේ.
යුරෝපයට වැඩි වශයෙන් LNG ගෑස් අපනයනය කරන බලාගාරයක් ලෙසයි මෙය සැළකෙන්නේ.
මෙම වර්ජන අනතුරු ඇගවිමත් සමග ඊයේ දිනයේදී යුරෝපා සංගමයේ රටවල සහ මහා බ්‍රිතාන්‍යයේ ගෑස් මිළ සියයට 10 කින් පමණ වැඩිවී ඇති බව සඳහන්.
බටහිර ඔස්ට්‍රේලියාවේ තවත් LNG බලාගාර 02 ක් ද මෙම වර්ජනයට සහය පළකිරීමට සූදානමින් සිටින අතර ඊට අදාළ ඡන්ද විමසීමක් අනිද්දා දිනයේදී පැවැත්වීමට නියමිතයි.
ලෝක LNG සැපයුමෙන් සියයට 10 ක් පමණ සපයනු ලබන්නේ මෙම බලාගාර 03 විසින් බවයි පැවසෙන්නේ.
