ඇඩිලේඩ් නගරයේ පාසලකට ඊ-මේල් හරහා ලැබුණු බෝම්බ තර්ජනයක් හේතුවෙන් වහා සිසුන් ඉන් ඉවත් කිරීමට පියවර ගෙන තිබෙනවා.
එමෙන්ම නැවත දැනුම් දෙන තුරු සිසුන් පාසලට එවීමෙන් වළකින ලෙසයි පාසල් පාලනාධිකාරිය විසින් දෙමව්පියන්ට දැනුම්දී ඇත්තේ.
මෙලස බෝම්බ තර්ජනයක් එල්ල වී ඇත්තේ නැගෙගහිර ඇඩිලේඩ් හි ශාන්ත පීටර් ප්‍රාථමික විද්‍යාලයටයි.
මේ අතර දකුණු ඔස්ටේ්‍රලියා පොලිසිය පවසන්නේ පසුගිය සතිය පුරා පාසල් සහ රෝහල් ගණනාවකට බෝම්බ තර්ජන ලැබී ඇති බවයි.
පසුගිය පැය 24 පුරා එම තත්වයෙහි ඉහළයාමක් නිරීක්ෂණය වන බවද දකුණු ඔස්ටේ්‍රලියා පොලිසිය නිවේදනය කර සිටිනවා.
කිසියම් ආයතනයකට මෙවැනි තර්ජනයක් ලද වහා නිසි ආරක්ෂිත උපදෙස් අනුගමනය කරන ලෙසටයි ඉල්ලීමක් කෙරෙන්නේ.
