නිව් සවුත් වේල්ස් ප්‍රාන්තයේ පාරිභෝගික පැමිණිලි අතුරින් වැඩිම සංඛ්‍යාව සැම්සුන් සමාගමට එරෙහිව ලැබී තිබෙනවා.
භාණ්ඩ සහ සේවාවල වූ ගුණාත්මකභාවයේ ගැටලූ / නැවත මාරු කිරීම් වලදී පවතින දුෂ්කරතා ඇතුලු කරුණු හේතුවෙන් පාරිභෝගිකයින් විසින් ගොණුකල පැමිණිලි පිළිබඳ තොරතුරු අද ප්‍රකාශයට පත් කෙරුණා.
වසරේ මේ දක්වා කාලය තුළ සැම්සුන් සමාගමට එරෙහිව පැමිණිලි 416 ක් ද Tru Water සන්නාමයට එරෙහිව පැමිණිලි 321 ක් හා Ticketek සමාගමට එරෙහිව පැමිණිලි 281 ක් වාර්තා වනවා.
පාරිභෝගික භාණ්ඩ හා සේවා ගැටලූ සම්බන්ධව වාර්ෂිකව පැමිණිලි අසු දහසක් පමණ ඉදිරිපත් වන අතර 2023 වසරේ මේ දක්වා පැමිණිලි 38,000ක් පමණ ලැබී ඇති බව සඳහන්.
මේ පිළිබඳ අදහස් දක්වමින් සැම්සුන් සමාගම පෙන්වා දෙන්නේ පාරිභෝගික පැමිණිලි අවම කරගනිමින් සාධාරණ සේවාවක් පාරිභෝගිකයින් වෙත සැපයීමට කටයුතු කරන බවයි.
අගතියට පත් පාරිභෝගිකයින්ගෙන් සැම්සුන් සමාගම සමාව අයැද සිටිනවා.
