මූල්‍ය විශමාචාර චෝදනාවක් සම්බන්ධව ප්‍රසිද්ධ මූල්‍ය සමාගමක් වන AMP සමාගමට එරෙහිව ගොනුකර තිබූ නඩුව වසර 05 කට පසු ඩොලර් මිලියන 110 වන්දියක් ගෙවීමෙන් අනතුරුව සමතයකට පත්කර ගැනීමට එකගතාවය පළවී තිබෙනවා.
කිසිදු සේවාවක් ලබා නොගත් ගනුදෙනුකරුවන්ගෙන් ගාස්තු අයකර ගැනීමට AMP සමාගම කටයුතු කර තිබු අතර ඔවුන් එය දැනගැනීමෙන් පසුව පවා ඔස්ට්‍රේලියා මූල්‍ය කොමිසම දැනුවත් කිරීමට පියවර ගෙන තිබුණේ නැහැ.
කෙසේවෙතත් බැංකු කටයුතු පිළිබඳ රාජකීය කොමිසම විසින් AMP මූල්‍ය සමාගමේ විෂමාචාරයන් හෙළිදරව් කිරීමෙන් අනතුරුව 2018 වසරේ දී එහි කොටස් හිමියන් විසින් මෙම නඩුව ගොනුකර තිබුණා.
නඩු වාර 15 ක් ශ්‍රේෂ්ඨාධීකරණයේ විභාග වු මෙම නඩුව තවදුරටත් දීර්ඝ කිරීමෙන් තොරව අවසන් කිරීමටයි කොටස් හිමියන් අද එකගතාව පල කර ඇත්තේ.
රාජකීය කොමිසම විසින් සිදුකල අනාවරණයත් සමග AMP සමාගමේ සභාපතිවරයා සහ ප්‍රධාන විධායක නිලධාරී තනතුරුවලින්ද ඉල්ලා අස්වුණා.
කෙසේ වෙතත් මෙම වසරට අදාළව කොටස් හිමියන් සඳහා වූ ප්‍රතිලාභ ලබා ගැනීමට කිසිදු බාධාවක් නොමැති බව ද AMP සමාගම වැඩිදුරටත් නිවේදනය කර සිටිනවා.
