බැංකු ඇතුලු දැවැන්ත ව්‍යාපාර උපයන ලාභ සඳහා අධික බද්දක් පණවන ලෙසට වෘත්තිය සමිති විසින් කරන ලද ඉල්ලීමක් ලේබර් පක්ෂ සමුලුවේදී ප්‍රතික්ෂේප වී තිබෙනවා.
ඉදි කිරීම් – පතල් – වන සංරක්ෂණ සහ බලශක්ති ක්ෂේත්‍ර නියෝජනය කරන වෘත්තීය සමිති විසිනුයි මෙම ඉල්ලීම ඉදිරිපත් කර තිබුණේ.
එවැනි බද්දක් පැණවුවහොත් 2041 වසර වනවිට ඩොලර් බිලියන 511 ක අමතර ආදායමක් උපයා ගත හැකි බවත් එම මුදලින් නිවාස 750,000 කට වැඩි සංඛ්‍යාවක් ඉදිකල හැකි වනු ඇති බවත් එම යෝජනාවේ සඳහන්.
කෙසේවෙතත් මෙම යෝජනාව ක්‍රියාත්මක කල හොත් ව්‍යාපාර කඩා වැටිය හැකි බවත් එම බද්දෙහි බර ද සාමාන්‍ය ජනතාව මත පැටවෙනු ඇති බවටත් ලේබර් පක්ෂ නියෝජිතයන් විසින් පෙන්වා දී තිබුණා.
ඒ වෙනුවට නිවාස අර්බුදයට ස්ථිර විසඳුමක් ගෙන එ බවටයි අගමැති ඇන්තනී ඇල්බනීස් විසින් සහතික වී ඇත්තේ.
