කොවිඩ් සමයේ හෝටල් නිරෝධායන ගාස්තු වෙනුවෙන් ඩොලර් මිලියන 105 ක මුදලක් ගෙවන ලෙස නිවු සවුත් වේල්ස් ප්‍රාන්ත රජය විසින් ක්වීන්ස්ලන්ඩ් ප්‍රාන්ත රජයට දන්වා තිබෙනවා.
කිසියම් අයුරකින් එය නියමිත කාලයේදී නොගෙවන් නම් ඉදිරියේදී නිවු සවුත් වේල්ස් ප්‍රාන්තය විසින් ක්වීන්ස්ලන්ඩ් ප්‍රාන්ත රජයට සිදුකල යුතු ගෙවීම්වලින් අඩු කර ගන්නා බවයි නිවු සවුත් වේල්ස් භාණ්ඩාගාරිකවරයා අවධාරණය කරන්නේ.
අදාළ හිග මුදල සම්බන්ධයෙන් අවස්ථා කිහිපයකදී ක්වීන්ස්ලන්ඩ් රජය දැනුවත් කෙරුණද මෙතෙක් නිසි ප්‍රතිචාරයක් ලැබී නොමැති බවට ඔහු චෝදනා කරනවා.
නිරෝධායන කාල සීමාව ආරම්භයේදී එක් අයෙකුගෙන් සති 02 කට ඩොලර් 3,000 ක මුදලක් අය කෙරුණද පසුව එම මුදලද අඩු කිරීමට පියවර ගත් බව නිවු සවුත් වේල්ස් රජය සිහිපත් කරනවා.
එමෙන්ම 7,000 කට ආසන්න පිරිසකගෙන් කිසිදු මුදලක් අය නොකෙරුණු බවද නිවු සවුත් වේල්ස් භාණ්ඩාගාරිකවරයා පෙන්වා දෙනවා.
