ඔස්ට්රේලියාව තුළදී තනි රැකියාවකට වඩා නිරතවන පිරිස 950,000 ක් දක්වා ඉහළ ගොස් තිබෙනවා.
එය සමස්ත ශ්රම බලකායෙන් සියයට 6.6 ක් බවයි සංඛ්යාලේඛණ කාර්යාංශය අද නිකුත් කල නවතම දත්ත වාර්තාවල දැක්වෙන්නේ.
මෙය පසුගිය දෙසැම්බර් කාර්තුවට වඩා සේවකයන් 20,000 ක පමණ ඉහළ යාමක් ද වනවා.
මෙරට තුළ රැකියාවල නිරත වන කාන්තාවන් අතුරින් සියයට 7.7 ක් ද පුරුෂයන් අතුරින් සියයට 5.7 ක්ද රැකියා 02 ක් හෝ ඊට වැඩි ගණනක නිරත වන බවටයි හඳුනාගෙන ඇත්තේ.
වයස් කාණ්ඩ සැළකීමේදී බහු රැකියාවල නිරතවන්නන් වැඩිම පිරිසක් නියෝජනය කරන්නේ අවුරුදු 15-19 සහ 20-24 යන වයස් කාන්ඩ 02 යි.
රැකියා ක්ෂේත්ර සැළකීමේදී ප්රජා සහ පුද්ගලික සේවාවල නිරත වැඩි පිරිසක් එලෙස රැකියා කිහිපයක නිරතවන්නන් බවයි සංඛ්යාලේඛණ කාර්යාංශය පෙන්වා දෙන්නේ.
මීට ප්රධාන හේතුව ලෙස හඳුනාගෙන ඇත්තේ පවතින ආර්ථික තත්වය හමුවේ තනි රැකියාවකින් ලැබෙන වැටුප පමණක් ප්රමාණවත් නොවීමයි.
