වික්ටෝරියා මෙන් ගෑස් තහනමකට NSW බෑ කියයි

වික්ටෝරියා ප්‍රාන්තය විසින් ගෙන ඇති ආකාරයේ ගෑස් සබඳතා තහණමක් පැණවීමට කිසිදු අපේක්ෂාවක් නොමැති බව නිවු සවුත් වේල්ස් ප්‍රාන්ත අගමැති ක්‍රිස් මින්ස් අවධාරණය කරනවා.

ප්‍රාන්ත 02 මුහුණ දෙන බලශක්ති ගැටලු එකිනෙකට වෙනස් බවයි ඔහු පෙන්වා දෙන්නේ.

වික්ටෝරියා ප්‍රාන්තයේ වායු විමෝචන අතුරින් සියයට 17 කට හේතුව ගෑස් වුවද නිවු සවුත් වේල්ස් ප්‍රාන්තයේ එම ප්‍රතිශතය සියයට 7 ක් වැනි අඩු අගයක පවතින බව අගමැතිවරයා පෙන්වා දෙනවා.

නිවාස තුළ විදුලිය පමණක් භාවිත කිරීමේ වැඩපිළිවෙලක් ආර්ම්භ කිරීමට තවත් දීර්ඝ කාලයක් ගතවනු ඇති බවටත් නිවු සවුත් වේල්ස් අගමැතිවරයා අනාවැකි පළකරනවා.

වික්ටෝරියා ප්‍රාන්තයේ අලූතින් ඉදි කරන නිවාස සඳහා ගෑස් සබඳතා ලබන වසරේ ජනවාරි පළමුවනදා සිට තහනම් කිරීමට ප්‍රාන්ත රජය දින කිහිපයකට පෙර තීරණය කරනු ලැබුවා.

මේ අනුව එදින සිට ඉදිකිරීම් සඳහා අනුමැතිය හිමිවන නිවාස හෝ නේවාසිකාගාර සඳහා විදුලිය සබඳතා සඳහා පමණක් අවසර හිමිවනු ඇති.

ඉදිකිරීම් සඳහා දැනටමත් අනුමැතිය ලබාදී ඇතත් ඉදිකිරීම් ආරම්භ කර නොමැති පාසල් – රෝහල් – පොලිස් ස්ථාන ඇතුලූ රාජ්‍ය ගොඩනැගිලි සඳහාද විදුලිය සබඳතා පමණක් ලබාගත යුතු බවයි වික්ටෝරියා රජය දන්වා සිටින්නේ.

ඔස්ටේ්‍රලියාවේ ගෘහස්ථ ගෑස් භාවිතය වැඩිම ප්‍රාන්තය වික්ටෝරියා වන අතර නිවාස අතුරින් සියයට 80 ක පමණ ගෑස් භාවිත කෙරෙනවා.

කෙසේවෙතත් ගෑස් භාවිතය නතර කර විදුලිය පමණක් භාවිත කිරීමෙන් වසරකට ඩොලර් 1,000 ක පමණ මුදලක් ඉතිරි කර ගැනීමට නිවැසියන්ට හැකිවනු ඇති බවටත් වික්ටෝරියා ප්‍රාන්ත රජය අනාවැකි පළකරනවා.

මෙල්බන් පොලිස් නිලධාරියා අනතුරට ලක් කර පළාගිය සැකකරු ඇල්ලූ හැටි

සොරකම් කළ මෝටර් රථයකින් මෙල්බන්හිදී පොලිස් නිලධාරියෙකු අනතුරට ලක් කර පළා යාමේ සිද්ධියට සම්බන්ධ සැකකරු පොලිස් අත්අඩංගුවට ගෙන තිබෙනවා.

Read More »