ක්වීන්ස්ලන්ඩ් හි හැමිල්ටන් දූපත ආසන්නයේදී සිදුවු හෙලිකොප්ටර් යානා අනතුරකින් ඔස්ට්‍රේලියානු ආරක්ෂක අංශ සාමාජිකයන් 04 දෙනෙකු අතුරුදන් වි තිබෙනවා.
ඔවුන් මියගොස් ඇතැයි ආරක්ෂක අංශ සැක පළ කරනවා.
පුහුණුවීමක් අතරතුර ඊයේ රාත්‍රී 10.30 ට පමණ මෙම හෙලිකොප්ටරය කඩා වැටී තිබෙනවා.
එහි සුන්බුන් හමුවී ඇතත් යානයේ සිටි පිරිස සම්බන්ධයෙන් මෙතෙක් කිසිදු තොරතුරක් ලැබී නැහැ.
අතුරුදන්ව සිටින ආරක්ෂක අංශ සාමාජිකයන් සොයා තවදුරටත් සෝදිසි මෙහෙයුම් ක්‍රියාත්මකයි.
උතුරු බ්‍රිස්බන් හිදී සැහැල්ලු ගුවන් යානා 02 ක් එකිනෙක ගැටීමෙන් අඹු සැමි යුවළක් මියගොස් පැය 24 ක් ගතවීමට පෙරයි ඊයේ රාත්‍රියේ මෙම සිදුවීමද වාර්තා වන්නේ.
