මාසයකට වැඩි කාලයක් ශීතකරණයෙහි දොරෙහි සිරවී තිබු ලොතරැයි ටිකට්පතකට ඩොලර් මිලියන 02 ක ත්යාග මුදලක් හිමිවූ කාන්තාවක පිළිබඳ පුවතක් සිඩ්නි නගරයෙන් වාර්තා වනවා.
පසුගිය ජූනි 24 වනදා දිනුම් අදින ලද Saturday Lotto ලොතරැයියෙනුයි ඇයට මෙම දිනුම ලැබී ඇත්තේ.
කෙසේවතත් මාසයකටත් වැඩි කාලයක් පුරා එය ශීතකරණයෙහි දොරෙහි සිරවී තිබී ඇති අතර අහම්බෙන් එය දුටු ඇය ඊට දිනුමක් ඇතිදැයි පරීක්ෂා කර බලා තිබෙනවා.
ඩොලර් මිලියන 02 ක ත්යාග මුදලක් තමා විසින් ජයගෙන ඇති බව ඇය වටහාගෙන ඇත්තේ එම අවස්ථාවේදීයි.
මෙම මුදලින් තම නිවාස උකස් ණය ගෙවා අවසන් කිරීමටත් දරුවන්ගේ අනාගතය වෙනුවෙන් යෙදවීමටත් බලාපොරොත්තු වන බවයි සිඩ්නි පදිංචි මෙම කාන්තාව වැඩිදුරටත් පවසා තිබුණේ.