ඔස්ට්රේලියානු වීසා ප්රමාදය හමුවේ ආචාර්ය උපාධි හැදෑරීම සඳහා ඇතැම් රටවල සිසුන්ට ඔස්ට්රේලියානු සරසවි විසින් ලබාදී ඇති ශිෂ්යත්ව අවස්ථා අහිමිවීමේ අවධානමක් මතුවී තිබෙනවා.
විශේෂයෙන් ඉරානය වැනි රටවල උපාධිධාරීන්ට වීසා අයදුම් කර වසර 02 කට වැඩි කාලයක් ගතවුවද මේ දක්වා කිසිදු පිළිතුරක් ලැබී නොමැති බවයි පැවසෙන්නේ.
science, technology, engineering and mathematics (STEM) හෙවත් විද්යා – තාක්ෂණ – ඉංජිනේරු සහ ගණිත යන අංශවල පර්යේෂණ අධ’්යයන පාඨමාලා (research) හැදෑරීම සඳහා ඔස්ට්රේලියාවට පැමිණීමට බලාපොරොත්තු වන විදෙස් සිසුන් වෙනුවෙන් සාමාන්ය ශිෂ්ය වීසා අයදුම් ක්රමවේදයෙන් බැහැර වෙනම වීසා කාණ්ඩයක් හඳුන්වා දෙන ලෙසටයි ඉල්ලීමක් කෙරෙන්නේ.
මෙලෙස දැඩි වීසා ප්රමාදයන්ට ලක්වන්නේ විශේෂයෙන් සරණාගත භාවය වැඩි වශයෙන් අපේක්ෂා කරන්නන් සිටින රටවලින් ලැබෙන වීසා අයදුම්පත්ර සඳහා බවටයි මානව හිමිකම් සංවිධාන චෝදනා කරන්නේ.
කෙසේවෙතත් ඔස්ට්රේලියානු ස්වදේශ කටයුතු දෙපාර්තමේන්තුව එම චෝදනා ප්රතික්ෂේප කරන අතර සියලුම රටවලින් ලැබෙන වීසා අයදුම්පත් සම්බන්ධයෙන් එක හා සමානව කටයුතු කරන බව අවධාරණය කරනවා.
මෙම ගැටලුව කඩිනමින් විසඳීමට පියවර නොගතහොත් 20240 වසර වනවිට ඔස්ට්රේලියාවට ඉංජිනේරුවරුන් ලක්ෂ 02 ක පමණ උග්ර හිගයක් ඇති වනු ඇති බවටද අනතුරු ඇගවෙනවා.