බටහිර ඔස්ට්රේලියා ප්රාන්තයේ වෙරළ තීරයකට ගොඩ ගසා ඇති හඳුනා නොගත් කොටස වසර 20 කට පමණ ඉහතදී උඩු ගුවනට යවන ලද රොකට්ටුවක කොටසක් විය හැකි බවටද මතයක් ඉදිරිපත් වී තිබෙනවා.
චන්ද්රිකාවක් අභ්යවකාශ ගත කිරීම සඳහා යවන ලද ඉන්දීය රොකට්ටුවක කොටසක් මෙලෙස ගොඩගසා ඇති බවටයි විද්යාඥයන් අනාවැකි පළකරන්නේ.
මීට ඉහතදී මත පළවී තිබුණේ මෙය නෞකාවක හෝ ගුවන් යානාවක කොටසක් විය හැකි බවටයි.
පර්ත් නගරයට කිලෝමීටර් 250 ක් පමණ උතුරු දෙසින් පිහිටි ග්රීන් හෙඩ් නම් නගරයේ වෙරළ තීරයෙන් හමුවූ මෙම කොටස අද්භූත වස්තුවක් නොවන බව විද්යාඥයන් අවධාරණය කර තිබුණා.
මෙය නිශ්චිතව තහවුරු කරගැනීමට ඔස්ට්රේලියානු අභ්යවකාශ බලධාරීන් මේ වනවිට ඉන්දීය බලධාරීන් සමගද සන්නිවේදන සබඳතා ආරම්භ කර ඇති බව සඳහන්.