මෙල්බන් නගරයේ නිවාස සහ දේපළ 60 කට වැඩි සංඛ්‍යාවක් මංකොල්ල කෑ විදේශීය යුවළක් වික්ටෝරියා ප්‍රාන්ත පොලිසිය විසින් අත්අඩංගුවට ගෙන තිබෙනවා.
ඔවුන් සතුව තිබී සොරකම් කරන ලද කිලෝ 80 කට වැඩි බරකින් යුත් ඩොලර් මිලියන 02 ක් පමණ වන ද්‍රව්‍ය හමුවී ඇති අතර මුදල් – ස්වර්ණාභරණ – මිල අධික කාන්තා අත් බෑග සහ ඇඳුම් ඒ අතර වනවා.
2022 මැයි සහ මෙම වසරේ ජූලි අතර කාලයේදී මෙම මංකොල්ලකෑම් සිදුකර ඇති බවයි අනාවරණය වන්නේ.
සැකකාර ලිතුවේනියා ජාතිකයන් අත්අඩංගුවට ගැනීමට වික්ටෝරියා පොලිසියට ඔස්ටේ්‍රලියානු ෆෙඩරල් පොලිසියේද සහය ලැබී තිබුණා.
මේ අතර ඩ්‍රෝන යානයක් යොදා ගනිමින් පෝර්ට් ෆිලිප් බන්ධනාගාරය වෙත මත්ද්‍රව්‍ය යැවීමට උත්සාහ කල පුද්ගලයන් දෙදෙනෙකුට එරෙහිව චෝදනා ගොණු කර තිබෙනවා.
39 හැවිරිදි සහ 31 හැවිරිදි සැකකරුවන් දෙදෙනා අත්අඩංගුවට ගෙන තිබුණේ කඩුවක් ඇතුලු විවිධ තහනම් ද්‍රව්‍ය රැසක්ද සමගයි.
