ඉල්ලුම අඩු වීම හමුවේ තවත් ගුවන් මාර්ග 05 ක ගුවන් ගමන් නතර කිරීමට ඔස්ට්‍රේලියාවේ නවතම අඩු පිරිවැය ප්‍රාදේශීය ගුවන් සේවය වන බොන්සා තීරණය කර තිබෙනවා.
එමෙන්ම තවත් ගමනාන්ත කිහිපයක ගුවන් ගමන් සංඛ්‍යාව අඩු කිරීමටද සිදුවී ඇති බවයි ඔවුන් නිවේදනය කර සිටින්නේ.
සන්ෂයින් කෝස්ට් සිට පෝර්ට් මැකරි – කෙයාර්න්ස් ඇතුලු නගර කිහිපයක් දක්වා සිදු කෙරෙන ගුවන් ගමන් සඳහා මෙම තීරණය අදාළ වනු ඇති.
බොන්සා ගුවන් සේවය සිය මෙහෙයුම් ආරම්භ කරනු ලැබුවේ පසුගිය ජනවාරි මාසයේදීයි.
ලබන අගෝස්තු 01 වනදා සිට මෙය ක්‍රියාත්මක කෙරෙන අතර දැනටමත් ගුවන් ගමන් වෙන් කරවාගෙන ඇති මගීන්ට මුලු මුදලම ආපසු ගෙවීමටයි බොන්සා ගුවන් සේවය පියවර ගෙන ඇත්තේ.
