ඔස්ට්‍රේලියාවට එන විදෙස් සිසුන් ගැන අලුත්ම වාර්තාවක්

පසුගිය නොවැම්බර් මාසයේදී ජාත්‍යන්තර සිසුන් 33,080 ක් උසස් අධ්‍යාපනය සඳහා ඔස්ට්‍රේලියාවට පැමිණ තිබෙනවා.

එය 2021 වසරේ නොවැම්බර් මාසය හා සැසඳීමේදී 32,300 ක ඉහළයාමක් බවයි සංඛ්‍යාලේඛණ කාර්යාංශය සඳහන් කරන්නේ.

කෙසේවෙතත් කොවිඩ් සමය එළැඹීමට පෙර 2019 වසරේ නොවැම්බර් මාසය හා සැසඳීමේදී මෙරටට ජාත්‍යන්තර සිසුන් පැමිණීම තවදුරටත් සියයට 13.5 කින් අඩු අගයකයි පවතින්නේ.

නොවැම්බර් මාසයේදී ඔස්ට්‍රේලියාවට පැමිණීම් 11 ලක්ෂ 89 දහස් 920 ක් සටහන් වන අතර වැඩිම පිරිසක් පැමිණි රටවල් වන්නේ නවසීලන්තය – මහා බ්‍රිතාන්‍යය සහ අමෙරිකාවයි.

රටින් පිටත්වීම් සංඛ්‍යාව 11 ලක්ෂ 77 දහස් 430 ක් ලෙස වාර්තා වන අතර වැඩිම පිරිසක් පිටත්ව ගොස් ඇත්තේ නවසීලන්තය – ඉන්දූනීසියාව සහ අමෙරිකාවටයි.