එළවලු සහ පළතුරු වෙනුවෙන් පාරිභෝගිකයන් වැඩි මුදලක් ගෙවනු ලැබුවද තමන්ට හිමිවනුයේ ඉතා සුලු මුදලක් පමණක් බවට ගොවීන් චෝදනා කරනවා.
නිවු සවුත් වේල්ස් ගොවීන්ගේ සංගම් විසින් සිදුකර ඇති සමීක්ෂණයක දැක්වෙන්නේ ප්‍රාන්තයේ ගොවි ව්‍යාපාර අතුරින් සියයට 64 ක පමණ පසුගිය මාස 12 දී මෙහෙයුම් කටයුතු අයහපත් අතට පත්වී ඇති බවයි.
ව්‍යාපාර වර්ධනයක් පෙන්නුම් කර ඇත්තේ සියයට 12 ක පමණයි.
එළවලු – පළතුරුවලට අමතරව මස් සහ ධාන්‍ය නිෂ්පාදන වෙනුවෙන් ගොවීන්ට ලැබෙන මුදලෙහි ප්‍රතිශතයද උද්ධමනයට සාපේක්ෂව පහළ අගයක් ගෙන ඇති බවටයි චෝදනා එල්ල වන්නේ.
සුපිරි වෙළඳසැල් ඇතුලු අතරමැදියන් මීට සෘජුව වගකිවයුතු බවටද ගොවීන් චෝදනා කරනවා.
