ඔස්ට්‍රේලියානු දේශ සීමා ආරක්ෂණ බලකායේ දත්ත පද්ධතියේ දෝෂයක් හේතුවෙන් සමස්ත ඔස්ට්‍රේලියාව පුරා සියලුම ගුවන් තොටුපළවල ගුවන් ගමන්වල ප්‍රමාදයන් හටගෙන තිබෙනවා.
මෙල්බන් ඇතුලු ගුවන් තොටුපළ ගණනාවක මේ වනවිට දිගු පෝලිම් දක්නට ලැබෙන බව සඳහන්.
සියලුම ගුවන් සේවාවල ගුවන් ගමන් සඳහා මෙමගින් බලපෑම් එල්ල වී ඇති බවයි අනාවරණය කරගෙන ඇත්තේ.
මෙම දෝෂය හමුවේ Check In කටයුතු සඳහා සාමාන්‍ය කාලයට වඩා වැඩි වේලාවක් ගතවන බැවින් ගුවන් ගමනට පෙර අමතර කාලයක් වෙන් කර ගුවන් තොටුපළට පැමිණෙන්නැයි ඉල්ලීමක් කෙරෙනවා.
ඔස්ට්‍රේලියානු දේශ සීමා ආරක්ෂණ බලකාය සඳහන් කරන්නේ හැකි ඉක්මණින් මෙම දෝෂය යථා තත්වයට පත් කිරීමට පියවර ගන්නා බවයි.
